Yanzu-Yanzu: An kara kama buhunhunan Daloli, Fam, da Euro a Filin jirgin saman Kano
 |
| Kudinda aka kama filin jirgi kano |
Jami’an tsaro da ke aiki a Filin Jirgin saman Kasa da Kasa na Malam Aminu Kano, Kano sun cafke jakunkuna cike da kudaden kasashen waje daban-daban da aka shigo da su a kamfanin jirgin na kasashen waje.
Lamarin, wanda ya faru a ranar Alhamis, 17 ga Yuni, 2021, a cewar wasu masu ba da labari a filin jirgin, ya biyo bayan isowar jirgin saman Habasha ne da misalin karfe 2 na rana.
Majiyar wacce ta nemi a sakaya sunanta, ta bayyana cewa jirgin ya iso ne da misalin karfe 2:30 na rana lokacin da jami’an tsaro suka fara shakkar wani fasinja da ya sauka.
“Da zaran jirgin ya tashi, sai wasu jami’an tsaro suka lura da wasu jakunkuna wadanda ake zargi kuma da suka zurfafa bincike sai suka gano kudaden kasashen waje daban-daban, ciki har da daloli, Euro, fam, da sauransu an same su a ɓoye a cikin su, ”ya bayyana.